sakwarbaisaheb bhosale  – श्रीमंत सकवारबाईसाहेब भोसले 

sakwarbaisaheb bhosale –  थोर राजेशिर्के कन्या सकवारबाई राणी साहेब

18/10/2021,

 छत्रपती संभाजी महाराज व त्यांच्या पत्नी येसूबाई राणीसाहेब यांना भवानी बाई व शिवाजी उर्फ शाहू महाराज ही दोन अपत्ये. छत्रपती संभाजी महाराजांच्या मृत्यु नंतर येसूबाईसाहेब व शाहू राजे मोगलांच्या कैदेत सापडले. जवळजवळ शाहूमहाराज मोगलांच्या कैदेत १८ वर्षे होते .यथावकाश औरंगजेब बादशाहाने कैदेत असतानाच शाहू महाराजांची दोन लग्न करवली.

           जाधवराव घराण्यातील अंबिकाबाई व शिंदे घराण्यातील सावित्रीबाई .लवकरच या दोघींचा मृत्यू झाला.त्यांच्या मृत्यूनंतर शाहू महाराजांची परत दोन लग्न लावून देण्यात आली. सकवारबाई व सगुणाबाई या त्यांच्या दोन पत्नी.

              सगुनाबाई मोहिते घराण्यातील तर सकवारबाई राजेशिर्के म्हणजेच येसूबाई राणीसाहेब यांच्या माहेर घराण्यातील. sakwarbaisaheb bhosale – सकवारबाई राणीसाहेब या अत्यंत हुशार व धोरणी होत्या. सगुणाबाई राणीसाहेब यांचा लवकरच मृत्यू झाला. त्यांच्या मृत्यूनंतर सकवार बाईंचा वरचष्मा अधिकच वाढला. दत्तक आपल्या म्हणण्याप्रमाणे घ्यावा असा त्यांनी हट्ट धरला.सकवारबाई राणीसाहेब या मुळातच कडक व उग्र असल्यामुळे त्या सरकारी कारभारात शाहू महाराजांच्या बरोबरीने भाग घेत होत्या .

            सरंजाम देणे, वतने देणे ,इत्यादी बाबी sakwarbaisaheb bhosale – सकवारबाईराणीसाहेब यांच्या सल्ल्याने छत्रपती शाहू महाराजांना करणे भाग पडत होते.
या काळात नानासाहेब पेशव्यांच्या कागाळ्या वाढल्या होत्या. त्याला प्रतिबंध घालण्यासाठी त्यांच्या पाठीमागे चौकशीचे शुक्लकाष्ठ लावून त्यांच्या अधिकार शाहीला बऱ्याच प्रमाणात सकवार बाईं राणीसाहेबांनी पायबंद घातलेला होता. त्यामुळे पेशव्यांनी सकवार बाईं राणीसाहेबांची धास्तीच घेतली होती. पेशव्यांना सकवारबाई राणीसाहेबांनी वारंवार धारेवर धरले होते.

                 सकवारबाई राणीसाहेब अत्यंत हुशार असल्यामुळे शाहू महाराज आपले बरेच निर्णय सकवारबाई राणीसाहेबांच्या सल्ल्यानेच घेत असत. शाहू महाराजांना पुत्र नसलेने sakwarbaisaheb bhosale –  सकवारबाई राणीसाहेबांची इच्छा होती की दत्तक घ्यावयाचा तो आपल्या सल्ल्याने वागणारा असावा .परंतु यादरम्यान ताराराणी साहेबांनी आपला नातू हयात असल्याची बाब शाहू महाराजांना सांगितली व तोच आपल्या गादीला वारस असावा असे शाहू महाराजांना वाटू लागले .ते पाहून सकवारबाई राणीना वैषम्य वाटले. म्हणून त्यांनी या गोष्टीला विरोध करण्यासाठी सारे पेशव्यांचे विरोधक आपल्या हाताशी धरले.व त्यांच्यामार्फत आजारी असलेल्या शाहू महाराजांचे भोवती पहारा बसवला.

             परंतु या दरम्यान नानासाहेब पेशव्यांनी शाहू महाराज ग्लानीत असताना संपूर्ण मराठा राज्य पेशव्यांचे नावे लिहून घेतले .दत्तक घेण्याबद्दल शाहू महाराजांनी कोणताही निर्णय घेतला नव्हता तोवरच त्यांचा मृत्यू झाला .अशा परिस्थीतीत पेशव्यांचे धाबे दणाणले ,कारण सकवारबाई राणीसाहेब काय करतील याचा नेम नव्हता. म्हणून नानासाहेब पेशव्यांनी sakwarbaisaheb bhosale – सकवारबाई राणीसाहेबांना सक्तीने सती घालविण्याचा कट रचला. त्यासाठी साताऱ्यात मोठा फौजफाटा आणून शक्तिप्रदर्शन केले सकवारबाई राणीसाहेबांना सती जाण्यासाठी आपल्या कारभार्या मार्फत व ब्राह्मण हस्तका मार्फत प्रयत्न सुरू केले. सकवारबाई राणीसाहेबांना सती जाण्याची अजिबात इच्छा नव्हती. त्यांनी सती जाण्यास कडाडून विरोध केला.

                 पेशव्यांनी राजवाड्याभोवती चौकी पहारे बसवले व सकवारबाईंच्या महाला भोवतीही पहारे बसवून त्यांना कोणी भेटणार नाही अशी व्यवस्था केली. नंतर सकवार बाईंचे वडील व भाऊ यांना लोहगड यासारख्या किल्ल्यावर अंधारकोठडीत टाकण्याची धमकी दिली. पेशव्यांनी सकवारबाई राणीसाहेबांच्या वडिलांना कुंवरजी राजेशिर्के यांना धरून आणले.

              sakwarbaisaheb bhosale – सकवारबाई राणीसाहेब यांनी सती जाण्याचा आपला विरोध असल्याचे सांगून टाकले व मी कधीही सती जाणार नाही असे जाहीर केले .पेशव्यांनी त्यांच्यावर सक्ती करून सकवारबाईना सती जाण्यास सांगण्यात आले .तसेच मनाने त्या सती जाण्यास तयार होईनात म्हणून पेशव्यांनी सती जाण्याची सर्व तयारी करून सक्ती करू व चितेत उचलून टाकू अशी त्यांच्या महालात जाऊन तंबी दिली .सैनिकांकडून त्यांना महालातून ओडून काढण्याचा प्रयत्न करत असताना सकवारबाई राणीसाहेबांनी जोरदार विरोध केला .

           तोपर्यंत त्यांच्या महाला भोवती शिंगे व नगारे वाजविण्यात येऊ लागले. कारण राणी साहेबांचा आक्रोश कोणाच्याही कानावर जाऊ नये .अखेर राणी असल्या तरी त्या हि एक स्त्री होत्या. त्यांच्या विरोधाला मर्यादा होत्या. त्यांच्या विरोधाचा आता काही उपयोग झाला नाही. व त्यांना सक्तीने अग्नी प्रवेश करावयास लावला गेला.