shivaji maharaj rajyabhishek – शिवराज्याभिषेकाची तयारी
shivaji maharaj rajyabhishek – शिवराज्याभिषेक ४ जून इ.स. १६७४
3/6/2021,
गागाभट्टांनी राज्याभिषेकाची संपूर्ण तयारी सुरू केली होती. जे कार्य रामाने केले ,श्रीकृष्णाने केले, तेच कार्य या पुरुषोत्तमाने केले आहे व करीत आहे.
याच्या चरित्राला उपमा नाही. हे केवळ पुण्यपुरुष! यांचे नेमके ऐतिहासिक मोल जाणून राज्याभिषेकाचा विचार पुढे आला. या राजपुरुषाला सिंहासन नाही!
यांना अद्याप राज्याभिषेक झालेला नाही. का नाही? का नाही? मुसलमान बादशाह तख्ती बैसून , मस्तकावर छत्र धरवून,पातशाही करितात
आणि शिवाजीराजे यांनीही चार पातशाही दबविल्या आणि पाऊण लाख घोडा, लष्कर ,गडकोट,ऐसे असता त्यास तख्त नाही ?ही काय गोष्ट आहे!
गेल्या कित्येक शतकांत असा पराक्रमी पुरूष झालेला नाही.या राजाने तर प्राचीन भारतीय थोर राजांच्या तोलाचे कार्य केले .
उन्मळून उदद्धस्त झालेल्या या देवताभूमीच्या संस्कृतीचा संसार पुन्हा नीटनेटका मांडला. सडे शिंपले, देवघरात देव मांडले , वृंदावनात तुळस लावली, गोठ्यात गाय बांधली, नंदादीप लावले ,चार वर्णाची व चार आश्रमाची प्रतिष्ठा वाढिवली. कोणावर अन्याय म्हणून ऊरू दिला नाही .सर्वांमुखी मंगल बोलविले. सर्वात मुख्य म्हणजे पारतंत्र्य नष्ट केले. स्वराज्य,धर्मराज्य ,रामराज्य ,शिवराज्य निर्माण केले. अशा राज्याच्या राजाला सिंहासन नाही ? छत्र नाही? केवढी ही उणीव ! छत्रसिंहासना शिवाय राज्याला पूर्णत्व नाही ! शिवाजीराजांना राज्याभिषेक झाल्याशिवाय त्यांच्या युगप्रवर्तक कार्याचे महत्त्व जगाला समजणार नाही .राजाच्या मस्तकावर छत्र झळाळलेंच पाहिजे. मराठा राजा सिंहासनावर बसलाच पाहिजे!
केवढा गोड विचार! अमृताहुनही गोड ! महाराजांना shivaji maharaj rajyabhishek राज्याभिषेक झालाच पाहिजे .राज्याभिषेक? छत्र? सिंहासन? सोन्याची मोर्चेले? राजसभा? राजचिन्हे?अहो केवढी छान छान कल्पना ही ! मराठ्यांचे सिंहासन! मराठ्यांचा छत्रपति ! मराठ्यांचा महाराजाधिराज सिंहासनाधिश्वर! अहो म्हणजे बादशहाच की!अहो अयोध्येतील रामाला राज्याभिषेक झाला होता ना अगदी तसाच.
सर्वाना परमावधीचा आनंद झाला. आईसाहेबांच्या हृदयात आनंदाच्या केवढ्या ऊर्मी उठल्या असतील?अत्यंत थकलेल्या त्या मातेच्या मनाला गागाभट्टांच्या त्या गोड आज्ञेमुळे केवढे सुख झाले असेल? त्यांच्या मनालाच राज्याभिषेक सुरू झाला! त्यांचे मनच सिंहासनावर आरूढ झाले! शिवबाला राज्याभिषेक म्हणजे आईसाहेबांच्या आयुष्याच्या व्रताचे उद्यापनच! महाराजांचा राज्याभिषेक shivaji maharaj rajyabhishek म्हणजे पृथ्वीचे लग्न! महाराष्ट्राची भूमि आनंदाने गदगदली होती.
1 Comment