Attack on Pawar शरद पवार यांच्या घराच्या दिशेने जमाव निघाला तेव्हा त्या जमावासोबत साधा क़ॉन्स्टेबलसुद्धा नव्हता.
जमावातले लोक रस्त्यावरचे दगड उचलून भिरकावत, पायातली पादत्राणे फेकत सिल्व्हर ओकच्या दिशेने निघाल्याचे दृश्य
टीव्हीच्या पडद्यावर दिसू लागले, तेव्हा एकही पोलिस नव्हता.
जिथे टीव्हीचे कॅमेरामन, रिपोर्टर पोहोचले होते त्या घटनेची मुंबई पोलिसांना कानोकानी खबर नव्हती.
स्कॉटलंड यार्ड पोलिसांच्या आठवणी इतिहासजमा होऊन आता मुंबई पोलिसांसाठी फक्त परमवीर सिंग आणि सचिन वाझेच्या
आठवणी उरल्या आहेत. Attack on Pawar बराच काळ हुल्लडबाजी, घोषणाबाजी, शिविगाळ सुरू होती.
नीटपणे पढवल्यासारखे सगळे एकाच भाषेत, एकाच सुरात बोलत होते. एकसारख्याच शिव्या देत होते.
आणि मोठमोठ्याने शिव्या देणा-या व्यक्तिसमोर बूम धरून टीव्हीचे रिपोर्टर त्यांचा लाईव्ह प्रसार करीत होते.
अगदी Attack on Pawarपवारांच्या घरावर चाल करून जायचे, त्याचे व्यवस्थित मीडिया कव्हरेज करायचे आणि तिथून पवारांना घाणेरड्या शिव्या देऊन
त्यांचे थेट प्रसारण करायचे इतके सगळे नियोजनबद्ध दिसत होते.
त्यामुळे हा विषय फक्त पवारांच्या घरावर चाल करून जाण्यासाठी उचकावण्यापुरता मर्यादित नाही, हे लक्षात घ्यावे लागते.
एवढ्यावर टीव्हीवाल्यांची हौस भागली नाही, त्यामुळे सायंकाळी गुणरत्न सदावर्तेला लाईव्ह कव्हरेज देऊन
त्याच्यामार्फत शरद पवारांची शक्य तेवढी बदनामी करण्यात आली. महाराष्ट्राच्या राजकीय इतिहासात एवढे नीच राजकारण बघायला मिळाले नव्हते.
शरद पवार यांच्यासारख्या ज्येष्ठ नेत्याला पाळीव आमदारांमार्फत शिविगाळ करण्याचा उपक्रम आधीपासून राबवण्यात येत आहे.
तेवढे पुरेसे होत नाही म्हणून मग गुणरत्न सदावर्तेसारख्याला दलित व्यक्तिला फूस लावण्यात येते. त्यातूनही पवारांच्या प्रतिमेवर काहीही परिणाम होत नाही म्हटल्यावर बिनचेह-यांच्या माणसांना पुढे करून त्यांच्यामार्फत जाहीरपणे शिविगाळ करण्याचा कार्यक्रम आखला जातो.
जेणेकरून सामान्य माणसांमध्ये शरद पवारांच्याविरोधात असंतोष असल्याचे चित्र उभे राहावे. काल कोर्टाच्या निकालानंतर जल्लोष करणा-या,
गुलाल उधळून नाचगाणी करणा-या लोकांनी आज आक्रोश करीत पवारांच्या घरावर चाल करून जावे, असे अचानक काय घडले हा प्रश्नही उरतोच.
Also Visit : https://www.postboxlive.com
हे षड्.यंत्र एवढ्यापुरते नसावे. आणखी काही भयानक घडवण्याचा त्यामागे डाव असू शकतो. हल्लेखोर पवारांच्या घरांवर चाल करून गेल्यानंतर जर त्यांना अडवले नसते तर त्यांनी पवाराच्या घरात घूसून धुडगूस घातला असता. काही लोक दरवाजापर्यंत गेल्याचे दिसत होतेच.
नाहीतर त्यांना अडवण्यासाठी पोलिसांना बळाचा वापर करावा लागला असता तर त्यातूनही काही अघटित घडू शकले असते.
सुप्रिया सुळे यांनी अडवले नसते तर राष्ट्रवादी काँग्रेसच्या कार्यकर्त्यांनी त्यांना विरोध केला असता आणि त्यातून दोन गटांमध्ये धुमश्चक्री होऊ शकली असती.
सुदैव एवढेच की असे काही घडले नाही. परंतु ज्यांनी कारस्थान रचले असेल त्यांचा असेच काही घडवण्याचा डाव असावा.
शरद पवार हे महाविकास आघाडीचे शिल्पकार आहेत. परंतु सत्तेत असलेली काम करणारी माणसे वेगळी आहेत.
ती जबाबदार आहेत म्हणून त्या त्या पदावर नेमली आहेत. तरीसुद्धा सरकारच्या प्रत्येक गोष्टीसाठी Attack on Pawar शरद पवार यांना जबाबदार धरून त्यांना लक्ष्य केले जाते.
शरद पवारही विषय छोटा, मोठा न पाहता शक्य तिथे सूचना देऊन लोकांचे प्रश्न सोडवण्याचे प्रयत्न करीत असतात.
एसटीचा संप लांबल्यानंतर त्यांनी स्वतःहोऊन पुढाकार घेऊन एकदा त्याच्या सोडवणुकीसाठी प्रयत्न केले होते.
सर्वसंबंधितांशी चर्चा करून तोडगा काढण्याचा प्रयत्न केला होता.
परंतु संघटनेतील मतभेदांमुळे तो तोडगा सर्वमान्य होऊ शकला नाही. त्यानंतर तर विषय उच्च न्यायालयातच आहे
आणि उच्च न्यायालयाने त्यासंदर्भातील आपला निकाल दिला आहे. संपकाळात अनेक कर्मचा-यांनी आत्महत्या करून जीवन संपवले,
ही वस्तुस्थिती आहे. परंतु त्यासाठी Attack on Pawar शरद पवार यांना जबाबदार धरण्याचे कारण काय? जबाबदार धरायचेच झाले तर मुख्यमंत्री,
उपमुख्यमंत्री आणि परिवहन मंत्र्यांना जबाबदार धरायला पाहिजे.
परंतु या सगळ्या प्रकाराला ज्यांची फूस आहे, त्यांचा उद्देश त्यामुळे साध्य होत नाही. Attack on Pawar शरद पवार हाच या सरकारचा प्रमुख आधार आहे
आणि त्याच्यावर घाव घातला की आवश्यक ते साध्य होते, अशी संबंधितांची धारणा आहे. या हल्ल्यानंतर पंकजा मुंडे यांनी
दिलेली प्रतिक्रिया महाराष्ट्राच्या राजकीय संस्कृतीला साजेशी होती.
परंतु विधानपरिषदेतील विरोधी पक्षनेते प्रवीण दरेकर यांची प्रतिक्रिया ऐकताना एकूण घटनेमुळे त्यांना झालेला आनंदच
अप्रत्यक्षरित्या व्यक्त होत होता. ही घटना का घडली असावी याची कारणमीमांसा करताना महाराष्ट्राच्या राजकीय
संस्कृतीचा वाराही त्यांना शिवला नसल्याचे दिसून आले.
Also Read : https://www.postboxindia.com/writer-रणजित-देसाई-यांचा-जन्मदि/